Алматы қаласы Балалардың құқықтарын қорғау басқармасының Балалардың құқықтарын қорғау орталығы Халықаралық балаларды қорғау күні қарсаңында әлеуметтік осал және тұрмысы төмен отбасылардан шыққан балаларға арналған қайырымдылық акциясын ұйымдастырды.
Іс-шараға 115 бала қатысты. Балалар үшін «Мир Фантазии Айя» ойын-сауық паркіне бару ұйымдастырылып, олар аттракциондарға тегін мініп, ойын-сауық бағдарламасына қатысып, пицца жеп, тәттілер мен сусындардан дәм татты. Сонымен қатар, балалар ерекше көңіл-күйге бөленіп, жарқын эмоциялар мен ұмытылмас әсер алды.
Көптеген балалар үшін бұл күн қуаныш пен шаттыққа толы нағыз мерекеге айналды.
Іс-шара әлеуметтік бастаманы қолдаған демеушінің көмегімен ұйымдастырылды.
Акцияның негізгі мақсаты — балалар үшін қолайлы әрі қауіпсіз орта қалыптастыру, отбасыларға қолдау көрсету және қоғам назарын бала құқықтарын қорғау мәселесіне аудару.
Алматы қаласы Балалардың құқықтарын қорғау басқармасының Балалардың құқықтарын қорғау орталығы балалар мен отбасыларды қолдауға бағытталған әлеуметтік бастамаларды жүзеге асыру жұмыстарын жалғастыруда.
