Алматы қаласы әкімдігінің 2025 жылғы 21 ақпандағы № 1/193 қаулысымен Алматы қаласында Білім басқармасының «Балалардың құқығын қорғау орталығы» коммуналдық мемлекеттік мекемесі құрылды.
Орталықтың негізгі мақсаты — бала құқықтарын қорғаудың тиімді, жүйелі моделін қалыптастыру, өмірлік қиын жағдайға тап болған балаларға көмек көрсетумен қатар мектептер мен қорғаншылық органдары, құқық қорғау органдары арасындағы үйлестіруші және практикалық буын ретінде әрекет ету.
Орталықтың функциялары
- Қорғауға мұқтаж балаларды анықтауға, олардың мүдделерін білдіруге жәрдемдесу.
- Заңды қолдау: кеңес беру, көмек көрсету.
- Бала асырап алуды, қамқоршылықты, патронатты, асырап алынған отбасыларды сүйемелдеу.
- Кәмелетке толмағандардың құқықтарына қатысты сот процестеріне қатысу.
- Балалар мен отбасыларға психологиялық көмек көрсету.
- Қиын өмірлік жағдайға тап болған отбасыларға кеңес беру.
- Соттар мен мемлекеттік органдарда балалардың мүдделерін ұсыну.
- Қамқоршылыққа, бала асырап алуға, алимент өндіріп алуға, ата-ана құқығынан айыруға немесе шектеуге байланысты істерге қатысу.
- Жалпы білім беретін мектептермен, мектепке дейінгі және мектептен тыс мекемелермен өзара іс-қимыл жасау.
