Алматы қаласының Балалардың құқықтарын қорғау орталығы 2026 жылғы 1 қаңтар мен 19 маусым аралығында қорғаншылық, қамқоршылық және кәмелетке толмағандардың заңды құқықтары мен мүдделерін қорғау саласында аудандық әдіскерлердің атқарған жұмыстары туралы есепті ұсынады.
Есепті кезеңде қаланың сегіз ауданының мамандары балалардың қауіпсіздігі мен әл-ауқатын қамтамасыз етуге бағытталған ауқымды жұмыс жүргізді.
Қызметтің негізгі көрсеткіштері:
* Мониторинг және есепке алу: балалардың мүдделеріне қатысты мәселелер бойынша олардың пікірін ескеру мақсатында 1004 есепке алу жұмысы жүргізілді.
* Тұрмыстық жағдайларды бақылау: тұрғын үй-тұрмыстық жағдайларын бағалау бойынша 518 акт рәсімделді.
* Балаларды отбасына орналастыру: 25 балаға қорғаншылық және қамқоршылық белгіленді. Қазіргі уақытта патронаттық отбасыларда 58 бала тәрбиеленуде. Жалпы қала аудандарында 898 бала қорғаншылық пен қамқорлық аясында есепте тұр.
* Хабарламаларға жедел әрекет ету: мектептерден, Психологиялық қолдау орталығынан, Отбасын қолдау орталығынан және 111 қызметі арқылы түскен 21 хабарлама бойынша жұмыстар жүргізілді.
* Құқықтық көмек көрсету: 28 талап-арыз қаралып, балалармен қарым-қатынас жасау тәртібін айқындайтын 174 кесте әзірленді.
* Құқық бұзушылықтардың алдын алу: кәмелетке толмағандар арасындағы буллинг пен құқық бұзушылықтарға қатысты 6 өтініш анықталып, расталды.
Балалардың пікірін есепке алу көрсеткіші бойынша ең жоғары белсенділік Бостандық (187) және Алатау (184) аудандарында тіркелді. Тұрғын үй-тұрмыстық жағдайларын бағалау актілерінің ең көп саны Алатау ауданында рәсімделді (180).
