2026 жыл 18 мамыр — 8 маусым аралығында «Отбасында зорлық-зомбылықсыз Қазақстан» атты акция аясында
колледжде «Ата-ана тәрбиесі – бала мінезінің іргетасы» тақырыбында дөңгелек үстел өткізілді.
Іс-шараның басты мақсаты – отбасы құндылықтарын нығайту, бала тәрбиесіндегі ата-ананың рөлін арттыру және отбасындағы зорлық-зомбылықтың алдын алу.
Кездесуге «Балалардың құқығын қорғау орталығы» ұйымының директор орынбасары Оразбекова Гүлнар Паруховна, әдіскерлер Сыздықова Анар Болатхановна және Төлегенова Майгүл Аскербекқызы қатысып, ата-аналарға құнды кеңестерін беріп, тәжірибелерімен бөлісті.
Сондай-ақ, С.Ж. Асфендияров атындағы Қазақ ұлттық медицина университетінің профессорлары мен оқытушылары қатысып, мазмұнды баяндамалар жасап, ата-аналармен ашық сұхбат құрды.
ЮПБ инспекторлары Умарова Жанар мен Жұмабек Бексұлтан отбасындағы зорлық-зомбылықтың жасөспірімдерге тигізетін кері әсері туралы маңызды ақпараттармен бөлісті.
Ата-аналар өз пікірлерін білдіріп, көкейлеріндегі сұрақтарына жауап алды.
Колледж психологтары Әсем Сағатқызы мен Мейрамгүл Нұрбекқызы практикалық жұмыстар жүргізіп, пайдалы психологиялық жаттығулар ұйымдастырды.
Берекелі отбасы – бақытты баланың кепілі!
Баланың жарқын болашағы отбасындағы сүйіспеншілік пен дұрыс тәрбиеден басталады
