Өткен аптада «Балалардың құқықтарын қорғау орталығы» КММ психологтары «Әлеуметтік қызметтерге мұқтаж балаларды қолдаудың №1 орталығы» КММ-не барып қайтты.
Бұл мекеме — қиын өмірлік жағдайға тап болған балалар уақытша болатын орын болып табылады. Кездесу барысында тәрбиеленушілерге біздің Орталықтың қызметі туралы толық ақпарат беріліп, заңгерлік және психологиялық көмек алу мүмкіндіктері түсіндірілді.
Сапардың негізгі мақсаты — әр балаға көмек сұрап жүгінетін, оларды тыңдап, қажетті қолдау көрсететін орынның бар екенін жеткізу.
Мұндай кездесулер балалардың өз құқықтарын қорғау туралы хабардарлығын арттыруға және әлеуметтік қызметтерге деген сенімін қалыптастыруға ықпал етеді. «Балалардың құқықтарын қорғау орталығы» КММ кәмелетке толмағандардың құқықтары мен мүдделері сенімді қорғалатын жағдайлар жасау бойынша жүйелі жұмысын жалғастыра береді.
