Бүгін Алматы қаласы Білім басқармасының «Балалардың құқықтарын қорғау орталығы» КММ мен Алматы қаласы Полиция департаментінің Жергілікті полиция қызметі басқармасы арасында өзара ынтымақтастық туралы маңызды меморандумға қол қойылды.
Меморандумның мақсаты — кәмелетке толмағандардың құқықтары мен заңды мүдделерін қорғау бойынша бірлесіп жұмыс істеу, жасөспірімдер арасындағы құқық бұзушылықтың алдын алу, сондай-ақ балалар мен ата-аналардың құқықтық сауаттылығын арттыру.
Мемлекеттік құрылымдардың күш біріктіруі өскелең ұрпақ үшін әрбір бала өзін қауіпсіз сезінетін және пікірі ескерілетін неғұрлым қауіпсіз әрі қолайлы орта қалыптастыруға мүмкіндік беретініне сенімдіміз.
